ميدل ايست – الصباحية
رد الرئيس المصري عبد الفتاح السيسي، اليوم السبت، على المقاول والفنان المصري محمد علي الذي كان قد أثار موجة من التفاعل وحالة من الجدل الواسع في الشارع المصري بعد الكشف عن فساد داخل الجيش المصري وإهدار أموال مصر في وبناء قصور وقصور خاصة.
وشارك الرئيس السيسي في افتتاح مؤتمر الشباب الثامن الذي عقد في قاعة المؤتمرات بالقاهرة، أمام حشد من المسؤولين وكبار الشخصيات في الدولة ورجال الجيش وعدد من الشباب .
وقال الرئيس السيسي حول ما ينشر من “أكاذيب ضد الدولة” إن “مخاطر الكتمان أكبر بكثير من السكوت، ومن أسبوعين هناك موضوع مستمر”، متسائلا: “أنتم مش (لستم) خايفين على جيشكم والضباط الصغار، أن يقال لهم أن قياداتكم ليست جيدة؟”.
وأشار إلى أن كل الأجهزة في الدولة قالوا لو سمحت لا تتكلم، لكن ما بيني وبين الناس هو الثقة، وأرفض أن يلعب أحد في تلك المنطقة”.
وأضاف : “فيه حد بيجي عاوز يشوهكم ويخوفكم ويقلقكم ويضيع القيمة العظيمة اللي بيعملها الجيش في مصر، عرفوه إن ده جيش مصر”، مشيدا ببطولات وإنجازات القوات المسلحة.
وأردف قائلاً : “مصر تكبدت تكاليف كبيرة خلال مواجهتها للجماعات الإرهابية، وانتو عارفين اليوم في سيناء بيتكلف كام؟ انتوا متعرفوش بيتكلف كام عشان احنا متكلمناش (..) لما تيجي تسيء لجيش مصر، يبقى عاوز توقع مصر، طب توقعها إزاي والدولة ماشية بالطريقة دي، مش هتقع مصر إلا لما جيشها يقع، طول ما هو واقف مش هتقع”.
وأشار السيسي إلى أن كل المؤامرت التي وقعت في مصر منذ العام 2011، كانت تستهدف النيل من القوات المسلحة ووزارتي الدفاع والداخلية، لأنهما القوى الحقيقية داخل مصر”.
وأضاف أنه هناك دولاً متورطة في تكوين الجماعات الإرهابية لاستخدامها في التأثير على المنطقة والعالم، لأن الإرهاب بات وحشاً أفلت من سيطرة الدول التي دعمته.
المزيد : الفنان محمد علي يواصل مسلسل فضح شراكته مع الجيش المصري
“تأجيل دفن والدة السيسي”
وحول ما كشفه الفنان المقاول محمد علي من أن السيسي أجل دفن والدته لحين الانتهاء من افتتاح قناة السويس ، ورد السيسي قائلاً : “لما يتقال إن حالة وفاة كانت موجودة في أحداث القناة ويتقال اتأجلت 3 أو 4 أيام لغاية لما نفتتح القناة، بقى الراجل ده يعمل في أهل بيته كده، نصدقه تاني؟”.
وأضاف: “الناس بتسأل الراجل ده عمل المدفن ده، آه صحيح، طيب على حساب مين؟ الكلام ده بقول الأجهزة قالت نبوس إيدك متقولوش.. لا والله لازم أريح كل مصري، والله هذا كذب وافتراء.. مكنش مفروض نتكلم في النقطة دي”.
وتابع: “كل الأجهزة قالولي لو سمحت متتكلمش، كادوا يبوسوا إيدي.. والنبي ما تعمل كده، قولتلهم اللي بيني وبين الناس هي الثقة، هما مصدقيني، أنا لو سكت عنها ده أخطر حاجة في الدنيا، كل ست كبيرة في السن بتدعيلي في البيت أسيبها إزاي محتارة تقول إيه الحكاية بتاعتك أنت إيه، أنت كده ولا كده، فعلا الحاجات اللي اتقالت دي انت عملهتا ولا معملتهاش”.
“القصور الرئاسية”
وأقر الرئيس السيسي ببناء قصور رئاسية، وقال “قصور رئاسية، أنا عامل وهعمل، هي ليا؟ أنا بعمل دولة جديدة”، مستطردا: ” هو محمد على بس هو اللى بيبني قصور”.
وأضاف: “هوا فاكرين لما تتكلموا هتخوفوني ولا إيه؟.. لأ، أنا هاعمل واعمل واعمل.. بس مش ليا.. مفيش حاجة باسمي.. ده باسم مصر”.
وأردف: “يا خسارة.. يا خسارة، أنا مش زعلان، لأني متوقع ده من أول ما توليت الأمر، اللي يهمني إن إنتم تكونوا مطمئنين.. متقلقوش مبنسمحش في مؤسسات الدولة يكون فيه حد مش كويس ويستمر معانا، ممكن يبقى في حد مش كويس وده أمر طبيعي لكن اللي مش طبيعي إننا نصدقه أو نشجعه أو نسيبه”.
وأكد السيسي أن “مصر لن تسقط أبداً في وجود جيشها، رغم كل المحاولات لتدميرها، لأن المصريين ليس لديهم سوى خيارين: إما الاستسلام للإرهاب، أو المواجهة والقضاء عليه”، مستدركا بالقول “بقالنا 6 سنين قاعدين نستنزف طاقات عسكرية ومالية ومعنوية… وكل أسرة قدمت شهيداً أو مصاباً تألمت، سواء كانت بشكل مباشر أو من خلال المحيطين بها، سواء من أبنائنا في الجيش والشرطة، أو حتى في الشارع والكنيسة والمسجد”.