فيديو اعتذار لاعبي المنتخب المصري يثير موجة غضب على مواقع التواصل الاجتماعي

“احنا اسفين وانتوا عارفين”

165
ميدل ايست – الصباحية

أثار إعلان شركة ” بيبسي” يتضمن اعتذار لاعبي المنتخب المصري بعد خروجهم من بطولة كأس الأمم الإفريقية من الدور ال16 على يد جنوب أفريقيا، الأمر الذي اثار موجة من الغصب في صفوف الجماهير.

وظهر في إعلان اعتذار لاعبي المنتخب المصري قائد المنتخب المصري اللاعب محمد المحمدي ولاعب خط الوسط طارق حامد واللاعب محمود تريزيجيه، والمدافع محمود علاء، وأحمد حسن كوكا.

وقال اللاعبون في الإعلان “بصوا احنا ممكن نديلكم حجج.. السنين، وممكن نقول الحكام وانتوا عارفين.. بس أسلم حاجة نعتذر أسفين”.

وأثار الفيديو غضب الكثير من المتابعين والجماهير الذين اعتبروه مسئ للشعب المصري، متهمين اللاعبين بالتربح من خلف هموم الشعب المصري، متسائلين “حد يعمل إعلان لهزيمه؟”، خاصة وأن الإعلان قد تم تصويره قبل بداية البطولة .

 

إعتذار إيه..الاعلان دا بمثابة إهانة لكل مصري..انتوا بتتربحوا من ورا هموم الناس..حد يعمل اعلان لهزيمه..!!

Posted by Al Ahram FC on Tuesday, July 9, 2019

 

 

وعبر حارس مرمى المنتخب المصري محمد الشناوي اعتذاره على حسابه على تويتر قائلاً : بعتذر لكل الجمهور اللي شجعنا ووقف في ضهرنا؛ أحلى حاجة في الكورة هي فرحتكم بينا ولما مبنقدرش نحققها ده بيبقى صعب علينا جداً. ربنا شاهد إننا بذل أقصى جهدهنا عشان متروحوش زعلانين. الإعتذار مش كفاية بس ده اللي نقدر نقدمه دلوقتي، ونوعدكم نتعلم من أخطائنا ونرجع المرة الجاية جديرين بيكم

واعتبر الناشط طارق الكوة : اعلان اعتذار بيبسي ده شيئ حزين وفاشل ومأساوي على اكتر من مستوى وبيبين -زي كل حاجة ما بتبين- قد ايه احنا فاشلين لدرجة اننا بننحدر كل شوية عشان نتكلم في بديهيات”

ده مش فيديو اعتذار ولا حاجة.. ده إعلان مدفوع الأجر من بيبسي واللاعيبة قبضت تمنه مقدما ومتصور من قبل البطولة تحسباً للحظة الفشل دي!!! فكروني بإعلان “الخواجة كوهين ينعي ولده ويصلح ساعات”.. المهم تكونوا قبضتو كويس على الفيلم ده رغم ان تمثيلكم أسوأ من أسوأ كومبارس في مصر

أما أحمد شيكو فقال :  انا مش مضايقني في اعلان بيبسي غير انه وحش .. يعني عارف لو كنت جبت طارق حامد واقف ماسك كورباج وبيجلد المحمدي ومحمود علاء ويبص يلاقي دونجا فيسأله أنت مين وايه الي جابك هنا .. كنا ممكن نتبسط واللهة”

أما حسام الزملكاوي ، فقد دعا إلى مقاطعة شركة بيبسي بعد الإعلان :” قاطعوا لحد مايعرفوا اننا مش بالسذاجه دي . قاطعوهم لحد مايعتذروا عن الاعلان الوضيع ده.قاطعوهم عشان يعرفوا يعني ايه فرقه خيبت امال جمهورها وخسرانين بفضيحه وعاملين اعلان بملايين يقولولنا اسفين . انتو ضيعتو اي تعاطف معاكم ومتستاهلوش تلبسوا تيشرت البلد دي قاطعوا بيبسي”

 

 

 

قد يعجبك ايضا